Prevení, prepará i sirbi
Brantwer Kòrsou tei pa skapa hende i bestia, prevení i minimalisá e chèns ku kandela ta ekspandé, limitá peliger di kandela, i tambe prevení i limitá aksidente na un kandela. Pa kumpli ku e trabounan ankrá den lei aki, nos ta duna konsehonan preventivo na un manera profeshonal i duna asistensia na e pueblo di Kòrsou durante kandela i/òf insidentenan den tempu di nesesidat i emergensia ku dedikashon i perseveransia. Nos komunidat semper por konta riba nos servisio.
Pa emergensia yama 911
Prevenshon e mihó opshon
Nos ta inkorporá prevenshon den nos servisionan i traha proaktivo pa garantisá seguridat kontra di kandela. Resientemente nos a lansa un kampaña pa konsientisá e komunidat Kurasoleño tokante seguridat kontra di kandela den nan kas. Den futuro nos lo lansá un proyekto pa konsientisá skolnan tambe tokante e tema importante aki.
Represhon
E departamento di Represhon ta e departamento ku ta sali bai duna asistensia na sitionan di kandela.
Prevenshon
E departamento di Prevenshon ta duna konseho na diferente instansia tokante prevenshon i seguridat kontra di kandela.
Preparashon i Entrenamentu
E tarea prinsipal di e departamento di Preparashon i Entrenamentu ta pa prepará e personal di Brantwer Kòrsou.
Asuntunan Personal i General
Nos departamento di Asuntunan Personal i General ta koordiná e operashonnan interno di Brantwer Kòrsou.
Dokumentonan
Nos ta disponé di diferente dokumento den kual bo ta haña konseho i instrukshon tokante seguridat pa loke ta trata kandela den bo propio kas, kas di kuido, tantu skolnan pre-eskolar komo básiko i avansá i durante dianan di fiesta.
FAQ
Aki nos ta presentá un lista di e preguntanan tokante nos servisionan ku nos sa risibí ku mas frekuensia.
Despues di e disturbionan di 30 di mei 1969, e gobièrnu di Kòrsou a realisá ku ya no ta posibel mas pa e Forsa Polisial sigui ehersé nan tareanan di paga kandela banda di nan tarea prinsipal di mantené órden i seguridat públiko. Pa e motibu aki, na aña 1973, a manda e promé tres personanan Hulanda pa sigui un estudio pa bira ofisial di bombero. Despues ku e promé tres ofisialnan a regresá, e promé bomberonan aspirante a wòrdu kontratá dia 14 di yüli di aña 1975. Pues a usa e fecha di 14 di yüli di 1975 komo fecha ofisial di e fundamentu di e brantwer di siudat bou di nòmber di Brantwer Kòrsou. Promé ku e fecha aki tabatin solamente un brigada chikitu di bombero na aeropuerto ku tabata spesífikamente destiná pa e lucha kontra di kandela na aeropuerto.
Tin 4 kazèrne di Brantwer: Mundu Nobo, Río Canario, Steenrijk i Barber.
E organisashon ta enkabesá pa un Commandant, di kual e departamento di Asuntunan Personal i General i e Manager Kwaliteit & Bijzondere Projecten ta kai direktamente bou di dje. Tambe e ta traha di aserka ku e departamentonan di PRO, Prevenshon i Represhon, Mantenshon & Logístika. Na su turno e departamento di Represhon, Mantenshon & Logístika tin e sup-divishonnan di Technische Dienst i Uitrukdienst, di kual e delaster tin kazèrne na Mundu Nobo, Rio Canario, Steenrijk i Barber.
Pa establesé rekisitonan di seguridat kontra di kandela pa prevení, limitá i kombatí kandela, pa limitá e riesgo di kandela i pa prevení aksidente den kaso di kandela.
– Un identifikashon bálido di e solisitante
– Un dokumento ku ta demostrá su derechi komersial òf personal na e opheto (kas/empresa/outo), etc.
– Den e kaso ku bo a wòrdu outorisá pa hasi esaki; Un identifikashon bálido di e hende ku a outorisá bo i un deklarashon di outorisashon (machtiging) firmá.
E eskudo ta duna protekshon na pais Kòrsou den kaso di menasa. E hèlm di brantwer kòrá ta simbolisá ku Brantwer Kòrsou ta presente pa protehá Kòrsou kontra di insidentenan. E parti kaminda e pais di Kòrsou mes ta rondoná pa blou ta nifiká ku pais Kòrsou ta un isla rondoná pa laman. Tambe e ta simbolisá ku e laman aki ta wòrdu usá pa paga kandela. E vlamnan ta para pa mas vigilansia i asina prevenshon i preparashon tambe ta drenta den enfoke. Por último, e materialnan den e logo (Straalpijp, Zuigbuis, hacha i kabuya) ta para pa e materialnan ku Brantwer ta usa pa ehersé su tareanan.
Eventonan
Brantwer Kòrsou ta organisá diferente evento pa trese un impakto positivo den nos komunidat. Entre e eventonan ku nos ta organisá ta eventonan pa informá nos komunidat tokante e tema di seguridat i eventonan pa selebrá nos bomberonan. Klek riba e boton “Eventonan” pa mas informashon.