Historia di Brantwer Kòrsou
Ántes ta polis, komo parti di nan tarea, tabata hasi trabou di brantwer na Kòrsou. Pero despues di e disturbionan di 30 di mei 1969, a bira evidente ku polis so no por keda enkargá ku e tarea di paga insidentenan di kandela banda di nan trabou di mantené órden. Na e momento ei e desishon a wòrdu tumá pa lanta un instansia ku tin komo solo tarea pa hasi e trabou di brantwer. Asina a inisiá e trayekto pa funda Brantwer Kòrsou, kual a tuma lugá na aña 1975.
For di añanan 80 bini ariba a intensivá aktividatnan pa prevení kandela banda di e aktividatnan represivo di kombatí kandela. Asina a lanta e departamento di Prevenshon, kual a trese un redukshon den e kantidat di kandelanan grandi na Kòrsou. Despues na aña 1995 nos a kordiná, huntu ku e Gezaghebber di e tempu ei, tur e asistensia ku a wòrdu fasilitá na e pueblo di Sint Maarten despues di e efektonan devastador di orkan Luis.
E aktividatnan aki a kondusí ku Brantwer Kòrsou a bira e instansia ku ta trèk tur e desaroyonan rondó di e preparashon pa kombatí e konsekuensianan di un kalamidat. Asina a lanta e departamentu di Preparashon kontra desaster. E asina yamá “Rampenburo”. E departamentu aki aktualmente yama ‘Preparashon, Kombatí Desaster i Estudio’.
Medio añanan 90 nos a intensivá e kontaktonan ku instansianan di Brantwer na Hulanda. Esakinan a kondusí na firmamentu di un akuerdo di koperashon ku Brantwer di Rotterdam na aña 1996. E akuerdo aki a fasilitá interkambio di konosementu entre Brantwer Kòrsou i diferente instansia na Hulanda kual a sigui for di 1996 te ku presente.
Susesonan Históriko
-
1973
E Inisio
Ta manda 3 persona lokal Hulanda pa bai sigui un estudio di Ofisial di Brantwer
-
1975
E promé ofisialnan di Brantwer
E 3 Ofisial nan ta bini bèk Kòrsou i ta yuda funda Brantwer Kòrsou. Nan ta tuma e promé kandidatonan den servisio dia 14 di yüli.
-
1981
Dekreto Ofisial
E dekreto ofisial pa funda e kuerpo ("instellingsbesluit") di Brantwer ta keda publiká.
-
1986
Estudio
Di aña 1975 te 1986 nos ta tuma liderato pa organisá i prepará estudio di brantwer pa otro islanan di Antia Hulandes antiguo.
-
2000
Brantwer Aeropuerto
Brantwer na aeropuerto ta sali for di e kuerpo i ta bira un kuerpo independiente. E Brantwer ta pasa pa bai bou di maneho di Curaçao Airport Partners.
-
2001
Promé Empleado Femenino Represivo
Na aña 2001 Brantwer Kòrsou ta tuma su promé miembro di personal femenino represivo den servisio.
-
2010
Kambio den Struktura
Na 10 di Oktober 2010 Brantwer Kòrsou ta muda for di mandato di Gezaghebber pa e mandato di Ministerio di Hustisia.
1973
E Inisio
Ta manda 3 persona lokal Hulanda pa bai sigui un estudio di Ofisial di Brantwer.
1975
E promé ofisialnan di Brantwer
E 3 Ofisial nan ta bini bèk Kòrsou i ta yuda funda Brantwer Kòrsou. Nan ta tuma e promé kandidatonan den servisio dia 14 di yüli.
1981
Dekreto Ofisial
E dekreto ofisial pa fundá e kuerpo ("instellingsbesluit") di Brantwer ta keda publiká.
1986
Estudio
Di aña 1975 te 1986 nos ta tuma liderato pa organisá i prepará estudio di brantwer pa otro islanan di Antia Hulandes antiguo.
2000
Brantwer Aeropuerto
Brantwer na aeropuerto ta sali for di e kuerpo i ta bira un kuerpo independiente. E Brantwer ta pasa pa bai bou di maneho di Curaçao Airport Partners.
2001
Promé Empleado Femenino
Na aña 2001 Brantwer Kòrsou ta tuma su promé miembro di personal femenino represivo den servisio.
2010
Kambio den Struktura
Na 10 di Oktober 2010 Brantwer Kòrsou ta muda for di mandato di Gezaghebber pa e mandato di Ministerio di Hustisia.
Siman di Prevenshon di Kandela
Komo un organisashon, nos ke organisá aktividatnan ku ta hala atenshon di komunidat i konsientisá tokante e tema di seguridat. Pa e motibu aki nos a inisiá e programa di un siman ku nos ta yama Siman di Prevenshon di Kandela. Esaki ta tuma lugá den e siman di e fecha di 9 di òktober. E fecha ei tin di aber ku un kandela masha grandi ku a tuma lugá riba e dia ei na siudat merikano Chicago hopi aña pasá. Anto for di e dia ei ta konmemorá e siman di 9 òktober internashonalmente komo un siman di prevenshon di kandela. Den e siman aki ta suministrá informashon tokante prevenshon di kandela na e komunidat.
Pues hopi aña pasá Brantwer Kòrsou tambe a kuminsá organisá e siman aki. E ta kulminá den e selebrashon di e asina yamá Dia di Bombero. Esaki ta tuma lugá riba e djasabra di e Siman di Prevenshon di Kandela. Riba e dia aki nos ta selebrá e personal di Brantwer Kòrsou. Nos ta organisá diferente aktividatnan sosial, manera komementu i muzik, i nos sa asta organisá eventonan deportivo.
Bo ke sa mas?
Tuma kontakto ku nos!
Bo ke sa mas tokante nos servisionan pa bo estudio? Nos ta fasilitá bo informashon ku plaser. Bishitá nos página di Kontakto pa mas detaye.